Home Actual Davart nus Descripziun da las malsognas Formalitads per in’ospitalisaziun Terapia Lieu da la clinica Colliaziuns Impressum Contact



Unbenanntes Dokument

Giudair, sa recrear, cuschinar cuminaivlamain ed organisar il temp liber


La finamira centrala da la lavur en la gruppa “giudiment” è da rescuvrir e sensibilisar ils senns vesair, savurar, sagiar e palpar. Plinavant duai vegnir rinforzada l’abilitad da savair giudair. La gruppa vegn manada d’in medi assistent.
Igl è pussaivel d’applitgar e d’emprender differentas metodas da sa recrear: la schluccada progressiva dals musculs tenor Jacobson, il trenament autogen e la meditaziun sut la direcziun d’in psicolog èn intgins exempels.
Ina giada l’emna cuschina ina gruppa da pazients cun agid dal persunal da tgira ina tschaina per l’entira partiziun. Responsabla per l’organisaziun è ina persuna da la partiziun da tgira che cusseglia e sustegna las participantas ed ils participants da planisar, cumprar en, cuschinar e far urden.
Blers umans cun problems psichics han difficultads d’organisar lur temp liber. Cunquai che la gronda part dals pazients è temporarmain exclusa da la vita professiunala, manca questa impurtanta structura dal temp e la pussaivladad d’avair contacts cun autras persunas. Uschia vegn pli impurtanta l’organisaziun dal temp liber. Las malsegirtads en il contact cun auters umans, la percepziun limitada e las pussaivladads finanzialas mintgatant restrenschidas pon render pli difficila l’organisaziun dal temp liber. La cumpetenza d’agir e la cumpetenza sociala vegnan rinforzadas cun rimnar infurmaziuns, stabilir contacts e participar ad in’occurrenza, u cun tegnair in pitschen referat davant la gruppa. Ina giada l’emna ha lieu in’activitad entaifer u ordaifer la partiziun. Manada vegn quella d’ina persuna responsabla per la tgira.

     
     
     
Lia :
Tudestg | Rumantsch
Talian | Franzos