Home Actual Davart nus Descripziun da las malsognas Formalitads per in’ospitalisaziun Terapia Lieu da la clinica Colliaziuns Impressum Contact



Unbenanntes Dokument

Fonofobia


Entant ch’ils pazients d’iperacusia èn ipersensibels sin tut las caneras, han las persunas pertutgadas da la fonofobia sulettamain tema da tschertas ramurs, las qualas ellas collian cun nauschas experientschas. Tar scolasts pon quai per exempel esser vuschs d’uffants, per persunas dal sectur d’EED ventilaturs da computer. I sa tracta damai d’ina reacziun da tema cundiziunada.
Questa ipersensibladad n’è betg dependenta da las frequenzas dals tuns e da las ramurs, mabain da la muntada ch’il pertutgà collia cun ellas. Las persunas cun fonofobia n’han per ordinari nagins problems d’udida, ed autras ramurs da la medema u d’ina frequenza sumeglianta na las disturban betg. Las ramurs che chaschunan ils sintoms resentan ils pazients però gia sco disturbantas e nuschaivlas, era sch’ellas èn mo da bass. Perquai sviluppan els strategias per las evitar u schizunt per fugir dad ellas.
La fonofobia po vegnir tractada cun agid d’ina psicoterapia. Sper la terapia da cumportament cognitiva è savens era necessari in tractament psicologic pli profund. Ina mesira accumpagnanta è la terapia d’udida, oravant tut il trenament da l’udida. Uschia sto il pazient supportar mintga di ramurs producidas da generaturs da canera. La sonoritad e la durada da quellas vegnan augmentadas di per di.


     
     
     
Lia :
Tudestg | Rumantsch
Talian | Franzos