Home Actual Davart nus Descripziun da las malsognas Formalitads per in’ospitalisaziun Terapia Lieu da la clinica Colliaziuns Impressum Contact



Unbenanntes Dokument

Morbus Ménière


Il medi franzos Prosper Ménière ha descrit l’emprima giada il 1861 la malsogna numnada tenor el sco sintomtrias: tschivlar en las ureglias, flaivlezza d’udida andetga e sturnizis acuts. Savens è la flaivlezza d’udida cumbinada cun ina diplacusis, quai vul dir che l’ureglia malsauna recepescha ils tuns en ina frequenza pli auta. Ils sturnizis duran intginas minutas enfin pliras uras e pon sa repeter en intervals regulars da dis, emnas u mais. En 90% dals cas è pertutgada mo in’ureglia, en 10% omaduas.
La raschun per la malsogna è probablamain in idrops en il chanal endolim da l’ureglia interna. Quel po chaschunar ina ruptura da la membran Reissner u in disturbi da permeabladad da la barriera da perilimf ed endolimf, uschia ch’ils perilimfs sa maschaidan cun ils endolimfs che cuntegnan bler calium. Ins suppona ch’il calium donnegia las cellas d’udida e d’equiliber (cellas sensitivas e dendrits).
En il stadi acut sto il pazient star en letg. Per sminuir il sturnizi survegnan las persunas pertutgadas medicaments sco Dimenhydrinat u Meclozin. Alura vegn meglierada la circulaziun dal sang ed influenzà l’idrops cun reducir il natrium e sa nutrir cun pauc sal. Durant il tractament posteriur survegn il pazient Betahistidin; nizzaivels èn era ils extracts da ginkgo biloba.
Sco profilaxa cunter ulteriuras attatgas èn sa cumprovadas las suandantas mesiras:
Evitar situaziuns engrevgiantas per la psica.
Desister da nicotin, reducir il consum da café e d’alcohol, sa nutrir cun pauc sal.
En il stadi acut na po il pazient betg ir cun auto. Per cas recidivs è limitada l’abilitad da manischar in auto.
En grevs cas ston ins discutar davart in’eventuala operaziun.
La malsogna Morbus Ménière po chaschunar tema. Ils pazients pon cun il temp avair il sentiment da betg pli star sin terra franca. Per quels èsi alura grev da chapir la malsogna. Betg mo il corp, mabain era l’olma po perder sia stabilitad. En quests cas, sco en cas d’in tinnitus mesaun u grev, è inditgada ina psicoterapia.

Litteratura recumandada:
Helmut Schaaf: Die Ménièresche Krankheit. Springer Verlag (2000)
Helmut Schaaf: Gleichgewicht und Schwindel der Seele. Profil Verlag (2003)


     
     
     
Lia :
Tudestg | Rumantsch
Talian | Franzos