Home Actual Davart nus Descripziun da las malsognas Formalitads per in’ospitalisaziun Terapia Lieu da la clinica Colliaziuns Impressum Contact



Unbenanntes Dokument

Iperacusia

L’iperacusia è ina ipersensibladad da l’udida sin canera. Ins la sto differenziar da la sensibladad normala sin canera. Tut tenor la situaziun e la luna pon era ramurs bufatgas gia disturbar. Sut iperacusia na chapesch’ins betg la gritta occasiunala, per exempel pervia dal segapastget dal vischin, mabain ina sensibladad anormala sin canera enfin ad ina temelitgadad malsauna envers la canera. Sco il tinnitus sa sviluppa era l’iperacusia sin fundament d’in disturbi da l’elavuraziun centrala dals signals acustics e lur valitaziun. Problematic vegni oravant tut cura ch’il cunfin dal malesser sa sbassa sin il nivel da sonoritad da la lingua discurrida. En quests cas sa retiran las persunas pertutgadas adina pli fermamain e na sa participeschan betg pli a la vita sociala.
Las ramurs percepidas memia dad aut pon provocar sintoms vegetativs: ferm battacor, suadas, tema. La persuna pertutgada po per curt temp percepir pli fermamain in eventual tinnitus.
Las raschuns per in’iperacusia èn per ordinari psichicas.
Il grad da grevezza vegn determinà cun il questiunari d’ipersensibladad da l’udida. I dat ils stgalims lev (0-10 puncts), mesaun, (11-17 puncts), grev (18-25 puncts) u fitg grev (26-45 puncts).
L’iperacusia vegn tractada cun ina psicoterapia ed ina terapia d’udida. En cas d’in disturbi grev enfin fitg grev èsi inditgà da far ina terapia staziunara. Ina protecziun da l’udida, fatga da l’acusticher d’apparats d’udida, duess il pazient però duvrar mo en situaziuns canerusas. Gia suenter paucs mais po la gronda part da las persunas pertutgadas puspè vertir las ramurs normalas da ses ambient u schizunt visitar in concert.

     
     
     
Lia :
Tudestg | Rumantsch
Talian | Franzos